南駅 (已結業)

今次好遠水路去到筲箕灣東大街搵嘢食，喺門口睇咗餐牌發覺呢間好似有好嘢食，價錢公道，結果就一試啦！！首先叫左一碟鵝肝多士＄78，有四件，可以話係超抵食，之前食過間係一件$6x. 鵝肝煎得香口，內裏暖暖的，配上暖脆嘅法包，很好吃呢。馬來咖喱牛腩意粉＄68 意粉和牛腩分開上，個人認為意粉比較乾，一定要勞多啲汁先好食。咖哩味夠香，而且椰汁的甜味較重，味道達致平均，牛肉亦都非常之琳，份量很多，讚。清遠麻雞海南雞飯配油飯+雞全翼$88 嚟得呢度點少得食海南雞飯，雞全翼嘅部位非常之肥美同埋多肉。而且佢嘅溫度中等，唔會話太冰或太熱，這才是正宗的海南雞，十分欣賞這一點。另外配菜湯和飯都做得唔錯。這兒不說不知道有一個咖啡部，我們決定點咖啡來試試看，朋友點了榛子咖啡＄38，而我點了凍焦糖咖啡$41,焦糖味非常之香濃，跟咖啡的味道十分匹配，凍飲又是另一番風味。