Saravanaa Bhavan (已搬遷) 新店位置

泰國野 越南野就食得多啦，印度野我真係好少食。今次朋友帶我黎到尖沙咀一間好地道既印度餐廳食飯 而且仲要係一間素食餐廳黎，入到開頭都有少少尷尬 因為入面其乎得我同我朋友係亞洲人 哈哈，但呢到既店員都好有禮貌 知我地第一次食都會推介我地食啲乜。.我地首先個印度既餅，佢個感覺同味道都有啲似台灣既手抓餅，但因為佢係沾醬去食既 所以佢係比較濕潤少少 當中我覺得沾咖哩最配。另外店員就推介我地去食一個芝士煎餅，黎到都幾壯觀 因為都無諗過係咁大塊，同開頭係到諗啲芝士究竟係邊呢 定係只係得個味咁，但一分開 先發現內有乾坤 哈，完全係”芝士拉絲”，呢個我覺得可以直接食 唔需要沾太多醬 本身已經有淡淡既芝士鹹味。我地亞洲人無飯不歡架嘛，所以我地都點左個磨菇黃飯黎試，開頭覺得應該係KFC咁既樣啦，黎到完全唔係個回事 哈哈，飯同我地平時食既原來好唔一樣 飯係比較長身，整體都幾得意。仲有一道薯仔既菜，味道都似我地平時食到既味道，所以如果擔心食唔慣印度菜既話，都可以叫呢個。