土耳其小城 (德範大廈) (已結業)

同姊姊去荃灣行街，到食午飯時間，見到呢間土耳其小城，食土耳其菜，幾特別，餐牌的相好吸引，價錢亦都係合理的範圍。第一次食土耳其菜式，睇吓會唔會吸引到我哋兩姊妹！印度咖喱雞 $88，咖喱汁好香好惹味，雞肉再滑D就更好，辣味好足夠，用黎點薄餅食好正！ 牛油烤餅＄28有3大塊，烤到焦香，牛油味好重，好香，同咖喱雞一齊食，食到一啲都唔剩！香酥茄子夾雞＄68有6件，即叫即炸，所以好新鮮。茄子夾雞，好有口感，茄子又吸左雞汁，好好味。配有生菜，有效減低雞肉和油炸的油膩感。 草原串燒牛肉(8串) $98燒牛肉好juicy，醃料好入味，配有新鮮生菜，食得多都唔怕油膩。土耳其茶 $15茶味好濃。下次都要再食，原來佢係元朗都有分店的，下次帶阿爸阿媽去食，唔知元朗店係咪都係咁好食呢？！