阿明印尼餐廳 (已結業)

菜餚係真正嘅印尼菜，無記錯嗰到啲員工全部都係印尼人，味道都同印尼當地食嘅差不多，但價錢貴咗些少同埋出餸比較慢。誠意推介嗰到嘅雞飯同印尼撈麵，雞飯當然唔係就咁放兩舊雞落去！而係有紅豬肉、炸好嘅豬皮同雞塊同加上秘製嘅醬汁，豬肉同飯再吸曬啲醬，同當地嘅雞飯有得揮！印尼撈麵亦並非平時食到嘅indomie，而係自己親手打嘅麵，所以食起嚟嘅口感都特別好！啲配菜亦好足料，有紅豬肉、自己包嘅雲吞同自己打嘅魚打，所以食落真係魚蛋並非麵粉粒！加埋嗰到提供嘅自榨辣椒醬真係無得彈！另外推介嗰到嘅仙草同茶冰，仙草係貴咗啲但勝在好足料，茶冰係印尼人必喝嘅嘢嚟，可以試下！舖面相對嚟講係比較細，好多時都要等，加上店主係基督徒所以星期日唔開，要食真係要睇準時間！