羅麥記 (V City) (已結業)

今日約左朋友係Vcity行街，見行到咁耐都未食野就落樓下，見到羅麥耐冇食又不用等位話不如入去食下野，順利傾計。餐牌多左吾同選擇，仲竟然有寶生園，不嬲都有飲開味道清甜，見到佢有一系列食品飲品當然想試下啦，而朋友就話叫返最愛的紅豆奶茶，再叫左2個小食high tea 下。紅豆冰粒粒奶茶$38…這裡有原粒紅豆雪冰粒再加上最底大大粒軟熟紅豆配香濃奶茶，怪不得我朋友話之前黎幾次都必叫，不過今次朋友就覺偏甜左少少，下次叫小甜就剛好。蜂蜜紅豆西多士 $22…西多士係極邪惡易肥但吾理啦，竟然吾太油喎，有驚喜。蜂用返寶生園所以有糖漿咁杰但多左份清甜味，紅豆反而偏少吾夠多，但幸好食到紅豆味濃同滑。2片份量剛好一人一片。麥sir乳鴿仔 $55…乳鴿係細個最愛食品，但開始越黎少地有得食。竟然係度見到都有驚喜，又見到價錢吾貴就叫左一隻一人一半試下佢。黎到還有微溫，乳鴿皮都夠脆口而肉都幾嫩滑，但如果有醋之類和熱度再熱點會更好。生薑蜂蜜片水$18…今次因為叫左多薑，黎到薑味十足加上蜜糖吾少倒晒落去又辣又甜，飲完即刻暖晒。