南越南咖啡廳

位於樓上鋪的越南餐廳，臨近旺角地鐵站，環境舒適，設計有別於傳統風格，原來呢間餐廳主打Fusion菜，滿有驚喜感！
我地揀左靠窗位置坐，光線柔和，可以望到街景，亦十分適合慢生活的感覺，好正。

香濃的牛骨湯底，飲落順口足料配搭，粉亦幼身爽滑，配菜有牛丸、牛肉、牛筋等，軟腍入味，特別之處係個油炸鬼，中越配搭，口感豐富，味道好。

呢個越南法式麵包真係好抵食，大件且餡料豐富，有肝醬、燻蹄、扎肉、豬耳、青瓜和菜等，味道特別，口感好，而且麵包軟熟，成個配搭真係幾好食，仲要好飽！

厚切扎肉，爽口清新，配以蔬菜青瓜甘荀絲，健康得來又可以中和肉類嘅油膩感。

咖啡精朋友話飲落酸酸地，唔會苦，淡淡的咖啡甘香，易入口。

味道甜中帶咸，又多左幾份檸檬的清爽，冰涼鹹甜交雜，爽呀！