一坐低店員已經好貼心遞上餐牌，揭開每一頁都色彩豐富，有選擇困難症嘅真係揀咗好耐，最後男朋友叫咗 十二野菜烤三文魚飯 + 西柚梳打；而我就叫咗新加坡辣蟹炒烏冬 + OREO奶昔。
一講再講，食物的賣相真係好吸引，特別係男朋友嘅 十二野菜烤三文魚飯 一打開真係嘩一聲，而且聞到好香嘅燒魚味，十二野菜十分精緻，完全與圖片相附。三文魚燒得好好，皮脆肉嫩，夾埋燒汁同珍珠米，加上有十二野菜平衡返三文魚的油脂，每一啖都好滋味。而西柚梳打都不馬虎，有果肉果香，十分清新，啱哂鍾意飲有汽飲品嘅朋友。
而我嘅新加坡辣蟹炒烏冬亦都不相伯仲，一上碟已經聞到好香嘅蟹味，用類似天婦羅的方式處理蟹肉，香脆可口，而且份量都唔少喎；而烏冬就沾滿香辣蛋汁，開胃少辣，而且烏冬都處理得好好，每一條都好Q彈，又係啖啖滋味。
最後我地一齊飲OREO沙冰當甜品，除咗有沙冰亦都有OREO餅乾，口感不錯，而且好大杯兩個人share剛好!
呢一餐超滿足，十分推薦嚟開南豐紗廠嘅朋友試下!!
