一茗堂 (南山商場) (已結業)

呢間餐廳嘅裝修不錯，以黑白灰幾種色調配搭出簡約的風格，加上冷氣充足，令人一入去就感到非常寫意和舒適，有週末的感覺。今次兩個人嗌左兩個lunch sets:南瓜茸忌廉雞肉燴飯、黑松露野菌忌廉意大利粉。另加蜜糖雞翼。說實話，上餐時我有少少心感不妙，因為用隻藍碟上黃色嘅南瓜飯，睇落去並唔係太吸引。但食落就非常有驚喜，完全無諗過咁好食，南瓜好靚，令到成碟飯都好鮮甜，我個人非常喜歡。我建議餐廳倒不如用番隻靚靚嘅白色碟黎上呢個飯，視覺上或者會更令人精神一振。碟意粉亦勝在啲野菌炒得好香，令成碟意粉都好refreshing。咁嘅價錢食到咁多野仲有咁好嘅食物質素確是難得，呢間餐廳絕對可以再幫襯。