火鍋薈 (已結業)

火鍋薈應該係新開，之前經過都唔見到有間咁抵食既火鍋店！今晚就同朋友黎左打邊爐了。餐廳都供應左好多唔同既食材~唔會食黎食去都係得個幾樣！至於飲品就係自助型式既，有個香桃味既忌廉鮮奶都幾好飲~又唔會過甜！飲多幾樽都唔怕湯底方面我就簡左知蕃茄薯仔湯底~味道好有「家」既感覺！好似屋企煲既湯咁~無味精至於仲夠哂味道跟住叫份手打墨魚滑~老闆講係自家制的~所以落足料！食落口感爽口彈牙！夠哂入味，陣陣既墨魚香滲出黎呢手切肥牛~色澤紅潤夠哂光澤！唔會雪到變哂冰咁~輕輕一拖就食得而且牛味香濃！肉質軟淋配埋香惹麻醬一齊食真係不得了南瓜流心丸，呢款丸真係從未食過~一咬開入面既流心餡料半溶狀咁流出黎！味道超讚唔知點解有少才芥末味~更增加口感！層次更豐富必食魚皮亦非常香脆~唔會有腥味同埋無油益味！堅係新鮮甜栗米亦香甜，粒粒晶瑩剔透~最後仲有雪糕添~夠哂滿足！咁既價錢食到呢個質數同埋員工服務態度仲好好添wo!! 必定推介比大家