影片
更多
2020-12-01
454 瀏覽
好多人去香港仔都係為咗食海鮮、艇仔粉呢類地道美食，但係估唔到今次嚟到鴨脷洲都有驚喜！Bowl’s Cafe 嘅門面看似無咩特別，但一入到去感覺裝潢都頗有格調，而且掛滿唔同風格嘅畫作，幾適合情侶晚餐。加上附近亦有海濱公園同埋海怡一帶嘅購物點，絕對係拍拖聖地👩❤️👨！💛 德國脆皮咸豬手要介紹呢道脆皮咸豬手絕對係性價比極高⬆️ 豬手皮焗得好脆之外，肉質亦都無太乾嘅情況，而且個皮一啲都唔油膩，食完都唔會滿碟油光。加埋Gravy同Mustard配合程度非常高！正宗食法配上酸椰菜，仲可以好好咁解膩。除咗豬手，另外要一讚嘅係佢個沙律，沙律菜脫水得好夠同埋黑醋味道唔會太酸，火箭菜味道都好新鮮！P.S. 食豬手嘅時候可以叫埋啤酒🍺，咁就更加有德國風味 🇩🇪💛 炭燒美國安格斯肉眼扒去得食西餐又點少得牛扒 🥩，呢道炭燒肉眼扒嘅炭燒味相當足夠，賣相睇到好清晰好靚嘅網格紋。而且肉質亦都相當稔，美國牛味都好足夠，食完成塊都係無筋！唯一係上碟時略嫌熟咗少少～ 配菜薯條亦都相當足夠，蕃茄都好新鮮，有起沙⚠️ 以上兩道菜都係推薦俾食肉獸嘅，其實都見佢有唔少意粉類幾出色，有機會可以再試！💛 朱古力Brownie 除咗幾欣賞
德國脆皮咸豬手
12 瀏覽
0 讚好
0 留言
💛 德國脆皮咸豬手
要介紹呢道脆皮咸豬手絕對係性價比極高⬆️ 豬手皮焗得好脆之外，肉質亦都無太乾嘅情況，而且個皮一啲都唔油膩，食完都唔會滿碟油光。加埋Gravy同Mustard配合程度非常高！正宗食法配上酸椰菜，仲可以好好咁解膩。除咗豬手，另外要一讚嘅係佢個沙律，沙律菜脫水得好夠同埋黑醋味道唔會太酸，火箭菜味道都好新鮮！
P.S. 食豬手嘅時候可以叫埋啤酒🍺，咁就更加有德國風味 🇩🇪
炭燒美國安格斯肉眼扒
11 瀏覽
0 讚好
0 留言
💛 炭燒美國安格斯肉眼扒
去得食西餐又點少得牛扒 🥩，呢道炭燒肉眼扒嘅炭燒味相當足夠，賣相睇到好清晰好靚嘅網格紋。而且肉質亦都相當稔，美國牛味都好足夠，食完成塊都係無筋！唯一係上碟時略嫌熟咗少少～ 配菜薯條亦都相當足夠，蕃茄都好新鮮，有起沙
⚠️ 以上兩道菜都係推薦俾食肉獸嘅，其實都見佢有唔少意粉類幾出色，有機會可以再試！
💛 朱古力Brownie
除咗幾欣賞Bowl’s嘅主菜之外，原來佢哋嘅甜品同樣出色！暖碟上嘅朱古力Brownie配上雲呢拿雪糕，味道好夾之餘亦都唔會有一般Brownie好甜好膩嘅感覺，食完完全無起痰，酒浸車厘子🍒同埋中間嘅薄荷葉都俾到唔同嘅層次感！
💛 麵包布甸
麵包布甸賣相相當好睇，而且味道都好唔錯唔會太甜，臨近聖誕食超有節日氣氛🎄！個人偏好麵包皮再脆少少，咁同布甸食起上嚟對比更大，更有層次！
💡Bowl’s Cafe 門口仲有擺賣蘋果日報🍎 得閒買返份一路睇一路食都唔錯㗎😛
味道 🌕🌕🌕🟡🌗
服務 🌕🌕🌕🌕🟡
環境 🌕🌕🌕🟡🌑
價錢 🌕🌕🌕🟡🌗
張貼
