影片
更多
2015-10-24
396 瀏覽
巧遇沐恩羅紹國老師坐正對家喎，都十幾廿十年無見喇，一聽到把聲就肯定係佢喇。最衰豆豉哥剛才 post 張咬原隻燒鵝髀相出黎，搞到我勁想食囉！所以一收工即飛落太興嘆返隻先！猴頭菇蘋果雪耳燉豬展湯，壯陽雪耳猴頭菇，飲完落吧打老虎！大大盅熱辣辣送到，一開蒸氣直噴，聞到濃郁肉香啊 ﹗我已經預備好喇，起動 ﹗猴頭菇蘋果雪耳燉豬展湯，雪耳已完完全全溶晒係湯汁之中，一飲便知盡在不言中，質感濃稠而帶甜又黏黏的，平民養顏補品含極豐富骨膠原，正呀 ﹗蘋果天然清甜味道，比蜜棗、圓肉、紅棗味道更加清爽舒服。豬展軟棉而肉味甜美，全部食晒，好好味。猴頭菇既菌味獨特而香濃，跟豬展味道非常配合又極有層次感，溫度又剛好燙嘴最美味，令到我完全唔想將匙羹放低呀 ﹗誓要飲晒方肯罷休，太美味可口喇 ﹗燻蹄原隻燒鵝髀飯，燻蹄腍劈劈得層皮，超級失水準呀！半點瘦肉都唔比我食。好采味道有咸香，配上酸酸都唔錯既，送飯夠醒胃。如果酸醋係自家調就更好啦，加甜椒、蒜蓉、麻油更加香口吸引。巨型鵝髀鎚仔咁大隻，何止打人牙骹軟咁簡單牙！皮脆肉香非常肥美，一咬噴汁！狠狠一口扯開燒鵝髀，鵝油多到可以撈飯！無敵鵝香跟醃料味道，肉汁鵝油泛濫成災，沾滿口又沾滿
巧遇沐恩羅紹國老師坐正對家喎，都十幾廿十年無見喇，一聽到把聲就肯定係佢喇。最衰豆豉哥剛才 post 張咬原隻燒鵝髀相出黎，搞到我勁想食囉！所以一收工即飛落太興嘆返隻先！
猴頭菇蘋果雪耳燉豬展湯，壯陽雪耳猴頭菇，飲完落吧打老虎！大大盅熱辣辣送到，一開蒸氣直噴，聞到濃郁肉香啊 ﹗我已經預備好喇，起動 ﹗
猴頭菇蘋果雪耳燉豬展湯，雪耳已完完全全溶晒係湯汁之中，一飲便知盡在不言中，質感濃稠而帶甜又黏黏的，平民養顏補品含極豐富骨膠原，正呀 ﹗蘋果天然清甜味道，比蜜棗、圓肉、紅棗味道更加清爽舒服。
豬展軟棉而肉味甜美，全部食晒，好好味。猴頭菇既菌味獨特而香濃，跟豬展味道非常配合又極有層次感，溫度又剛好燙嘴最美味，令到我完全唔想將匙羹放低呀 ﹗誓要飲晒方肯罷休，太美味可口喇 ﹗
燻蹄原隻燒鵝髀飯，燻蹄腍劈劈得層皮，超級失水準呀！半點瘦肉都唔比我食。好采味道有咸香，配上酸酸都唔錯既，送飯夠醒胃。如果酸醋係自家調就更好啦，加甜椒、蒜蓉、麻油更加香口吸引。
巨型鵝髀鎚仔咁大隻，何止打人牙骹軟咁簡單牙！皮脆肉香非常肥美，一咬噴汁！狠狠一口扯開燒鵝髀，鵝油多到可以撈飯！無敵鵝香跟醃料味道，肉汁鵝油泛濫成災，沾滿口又沾滿手，食得狼狽但神級美味啊！
薄薄鵝皮黏著幼滑鵝肉，一啖接一啖無需煞制！附近既侍應及食客都投以羨慕既眼神呢！鵝髀免斬原汁原味，肉質及纖維唔會被刀鋒破壞，每滴肉汁都完完全全保留皮下肉間！
鵝髀肉配酸梅醬、燻蹄配酸醋，再加上清香不濁甜豉油，撈埋乾爽飽滿飯粒同吃，美味醒神又開胃，食量變得無底深潭一樣，通通消滅！蒸發得屍骨無存！大滿足好幸福，亦好飽啊！美中不足，伴碟凍菜芯太粗糙，咬一口就放棄喇。
張貼
