野玩山店 (已結業)

睇到網上介紹，有間餐廳以露營為主題，有半自助餐食，睇過介紹見食物總類多，所以約朋友去左呢度食去到就比間餐廳嘅裝修吸引住，周圍都擺滿曬露營嘅產品，背囊露營燈甚至連水杯都係以露營產品為主，我以食物亦都係啦叫咗個主菜牛尾，牛尾嘅肉好腍，牛味好濃郁，中間只有一條骨，所以食起嚟好方便，醬汁非常之濃郁，牛尾吸收晒醬汁，非常惹味另外我仲叫咗個海鮮意大利飯，材料非常豐富，有八爪魚，大蜆，大蝦，青口，好新鮮， 意大利飯就煮得恰到好處，半生熟，味濃郁！我哋叫完主食之後，就行出咗去自助餐台。自助餐台各式各樣嘅前菜，睇到我花多眼亂，我自己就自製左一碟沙律，火箭菜西生菜等等仲有多款醬汁選擇。到咗最後我哋去咗甜品自助餐枱，由十多款不同類型的甜品，另外呢度嘅主打就係即叫即做梳乎厘pancake，雖然比較細件，但蛋香味十足。加上佢嘅糖漿非常特別，糖漿加左少少tequila，帶點酒香味亦唔會過甜