泰邊爐 (已結業)

又係如常一天返工等收工,收工走去巴士站，等車等左 一陣有車到，準備上車突然電話響，個friend過開旺角買嘢問我收工未 ， 约我一齊食晚飯， 當然應 約，見面，後帶左我去睇金器首飾話佢老公結婚週年要送禮物，O咀畀咗少少建議佢然後去搵野食，第一時間去食火鍋，隔近有間泰式邊爐未試過就膽粗粗入去試下啦。間餐廳有啲聖誕擺設， 服務員都幾親切，積極推介皇牌湯底 (香噴噴椰子雞湯)， 想食辣嘅朋友可以試下冬陰公或青咖哩湯底，我點左 青咖哩湯底和椰子雞湯。湯底到咗職員都講解個食法等湯滾起等5-10分鐘就可以食湯中的雞肉和飲湯， 等緊個期間又見肚餓朋友可以試下出面長枱放左熟食及沙律和甜品，邊等邊食。試左椰子雞湯幾清甜， 真係原個椰青，入面有埋椰青肉。配料就點左 (肥牛， 羊肉 ， 滑牛，墨魚滑， 鮮蝦滑，魚腩) 啲食物都幾新鮮，上菜速度都幾快，我就特別鍾意個鮮蝦滑，非常之爽口，咬落去仲會有好香嘅蝦味。出面任飲選擇都有幾款，今日就叫左叫左Pinkcoo Pinkcoo，粉紅色又靚又吸晴。