有機廚房 (已結業)

✨今日放假無野做，就落咗街食個lunch。呢間UG kitchen 主張用健康綠色嘅食材去烹調，十分健康。餐廳環境幾寬敞，同其他西餐廳無異。✨今次我地每人嗌咗一個Chef Recommendations。入面包咗自助沙律吧、主菜同餐飲。✨自助沙律吧👧🏻 沙律吧嘅topping唔會少得去邊㗎，除咗salad之外仲有餐湯同餐包提供，自己仲可以烘翻熱添。食完哂main course，小妹仲可以出去拎甜品食添。✨ 焗葡汁燒果園走地雞配意粉👧🏻 小妹好難得有一次食飯係無嗌到牛肉㗎。今次呢個走地雞肉質好結實，但雞肉味好出，唔錯。而我地最欣賞嘅係個葡汁，店員一上碟就係啱啱焗起，葡汁好重奶味好creamy🤤🤤，除咗雞之外，薯菜都absorb哂啲葡汁。✨蒓豚有機豬扒洋蔥汁配薯菜👧🏻 小妹好少食豬扒，但今次都無令我失望。佢地嘅豬扒雖然唔係好厚，係薄切，但味道好鮮，無雪藏味而且豬扒肉質唔韌，好易入口。