Candy Shake (已結業)

前幾天因朋友告知 "又有新款芝士撻可以試啦" , 於是就去到旺角"CANDY SHAKE"試下 。當日去到已經見到有不少人係到排隊 , 係門口已經聞到濃濃既芝士撻氣味。 一入到鋪就可以見到牆上有好多唔同種類既糖果擺放著, 牆上或枱上亦都各有乳酪奶昔價錢牌 , 等大家可以係排隊期間考慮購買。店員都忙碌地製作飲品, 架上亦放左好多不同款式糖果 , 十分吸引。冷氣櫃入面除左介紹邊幾款係熱賣既奶昔外, 仲有幾款不同口味既馬卡龍同cake ,賣相亦都不錯。"佐久間姆明野莓牛奶糖乳酪奶昔" $26我就選擇左"佐久間姆明野莓牛奶糖乳酪奶昔" , 雖然賣相一般 , 但味道果然令人喜出望外。草莓味道十分濃郁 ,喜愛士多啤梨既朋友真係值得一試。芝士撻 / 藍莓芝士撻 都係同價 $18終於可以試到新鮮出爐既半熟芝士撻啦! 厚厚的撻皮, 一咬落去已經散發濃濃既芝士香味,好軟好cream ,吃完都不覺膩 ,味道非常不錯。最近仲出左全新口味既藍莓味芝士撻 , 鍾意藍莓既朋友都可以試一試。