Italian Tomato Café & Grill (灣景廣場)

乜宜家Italian tomato質素差成咁？以前都覺得正正常常，我半年冇黎過食咋，呢個所謂黑松露雜菌意粉真係變到好差！其實一上菜見佢咁乾，已經睇得出中曬伏，原本都算啦，求其食，都唔打算影上黎，但佢難食到一個點，食到一半就影低佢！

一上菜，望落係勁乾，算啦唔緊要，連聞落都可以冇咩黑松露香味，都算……食落有少少菇菌味我已經收貨，可惜對唔住，係冇，食落就係好乾好乾，冇其他味，只得意粉陣味，意粉又煮得太硬，冇左佢杯餐飲同餐湯我直情係需要乾啃！而上面黑色一點點嗰啲“黑松露”只係裝飾品黎。

天呀，點解可以差成點，我半年前喺上水分店食都冇咁差架！至少會整個sauce去煮個意粉…嗰時真係仲有啲菇味架！

又乾又硬又冇黑松露味，冇菇味，只得意粉味