八幡屋涮涮鍋 (已結業)

今次真係好榮幸，四百幾蚊嘅價錢就可以食到A4和牛嘅火鍋放題。呢個餐都包好多嘢㗎，除咗其他餐都包嘅嘢之外，佢仲有生蠔，鮑魚，Asahi，Haggen Dazs。❤️首先講下生蠔，可以睇到佢真係好大隻，分量真係有番咁上下，而且都非常新鮮，食落去creamy嘅感覺又唔會腥。☺️個餐都包刺身拼盤，特別想講下三文魚係好靚，又唔會太肥。其他刺身質素都幾好，夠啖啖肉又夠新鮮。😝熟食方面都幾推薦呢個燒麻吉燒，佢係魚餅入面加咗年糕，煙煙靭靭真係好有口感，又好鮮甜。🍪火鍋質感又點呢？叫左骨膠原豬骨湯，將蝦放入鍋中，隻蝦食落除咗有鮮味之外仲充滿骨膠原嘅質感🤩而主角A4和牛當然係入口即溶非常高質啦！