冬蔭公公 (已結業)

我屋企好興放假前一晚出街食飯既，見到呢間新開就黎試下，點知半中伏，先落單落漏左，D食物大部份唔夠熱！先黎串燒加油鬆餅，油鬆餅不過不失，串燒$68有6串，要左一半雞一半牛，雞肉外脆內軟，肉汗豐富，附上的醬汁雖然好油但惹味，牛肉就又老又乾，原來呢個係半中伏的開始見佢做緊優惠，就一人半隻試下，一上枱，凍的又完全無味，雞肶位都仲好少少，雞胸直頭柴皮咁，仲話攞獎喎，個獎買返黎？我叫左個又話係得獎既豬軟骨米線$58，呢個真係好味，唯獨豬軟骨個骨溶哂，無咬口但肉係淋的無話煮好耐咁柴皮，家人叫個泰式魚湯粉，配幾個餸咁就$70，真係唔抵食，佢仲話無乜特別。餐牌比大家參考，總括黎講真係好壞參半，可以一試，會否再來就見人見智，我當晚只係入座率七成左右。