聰嫂私房甜品 (已結業)

黎到灣仔工作，到放午飯時間見朝早個早餐都未落格，就諗住食少少算數。行咗幾條街，又唔想食米線，又唔想食三文治，一於就去食甜品！平時suppose夜晚先食甜品，咁以為晏晝大家都未食，間餐廳應該會好空洞啦，點知原來都有唔少人會選擇lunch time食甜品😂見有位坐低之後，就叫咗個榴連黑糯米，因為聽聞聰嫂最出名係榴連、芒果同龍眼系列。之前一直冇機會試，因為怕臭親同伴，今次終於自己一個去所以order試下。上菜時發覺賣相的確唔錯，同餐牌顯示一樣。食落去，d榴連雪葩好冰涼又好濃郁，又好有層次，表面d水晶珠同黑糯米都好夾。不過食完都飽，估唔到小小甜品可以媲美正餐，又好食又滿足。仲有，原來灣仔分店晏晝堂食係有九折😂，咁真係抵食。