陶源酒家 (已結業)

今天去了陶源食中午飯, 我們點左點心及一些小食. 珍珠雞係用紅米做的, 幾健康的呀, 一笿兩件, 細細隻, 都足料及好味的, 飯唔會過淋身, 有咬口的, 有些紅米更有口感, 有些肉碎, 蛋黃等材料.綿花雞, 都好大碟及多雞肉的呀, 幾滑身, 仲有蟲草花及冬菇. 魚肚都OK, 多汁及夠白的.我們還叫左老火湯, 好似係雪耳煲黃瓜, 好甜的. 都足料及唔似係咪精的味道.鮑汁鳯爪, 好味, 有花生, 夠淋, 鳯爪夠大隻及淋身, 個汁好香呀芥末木耳, 都幾開胃的呀, 好有口感, 夠晒爽口, 辣辣地好刺激呀.蝦腸, 好大的蝦呀, 又夠爽口, 腸粉都好薄身的, 正呀.豬腩仔, 都好香口, 不過唔夠脆身.這個是酥炸牛扒, 好奇怪, 粉漿太多, 入面的牛扒都好淋好味的, 但咁的配撘好怪.青瓜海浙, 好味, 夠爽口, 青瓜好甜, 海浙好粗身.鴛鴦炒飯, 好耐冇食過啦, 好大碟的呀, 一面白, 一面紅的, 白色的蝦好爽口, 好多菜粒的, 好味呀, 紅色的汁都好好味, 酸酸甜甜的, 肉絲及蕃茄都好正.街邊豬腸粉, 好特別呀, 膠粉好滑身, 加埋D醬一齊食好好味及有懷舊的感覺.