影片
更多
2023-02-20
78 瀏覽
✅龍門一番川滬·紫砂燉湯 之前係屯門都有試過佢哋既晚市小菜最近就見到佢哋係公司附近開左就試下佢哋既午市啦~🔆午市拉麵套餐 $48午市套餐有好幾款 有拉麵套餐 亦都有客飯，乾鍋同酸菜魚飯餐揀左個四川擔擔麵餐份量好大碗啊🤣 一個人食既午餐絕對夠飽啊！擔擔麵係用幼身既麵條 湯底亦都好濃郁花生醬味💕不過唯一不足就係午市套餐淨係得淨麵 就冇其他餸菜選擇！🔷追加小食 & 點心 $20冇其他餸配擔擔麵唔緊要！ 仲可以優惠價加配兩款小食同一款點心揀左麻醬腐皮卷同雞絲水晶粉皮粉皮好滑身仲好濃花生醬既香味而腐皮卷食落好似健康版既齋燒鵝 中間都有好多餡料！春卷一份有兩件 食落好脆口 而且入面係以齋既配菜為主🔆魔鬼天使小籠包 $58上海菜一定要點小籠包！呢個小籠包好特別 一款係白皮 一款係黑皮白皮既小籠包入面有帶子做餡料 上面仲有魚籽醬食落比較原汁原味 似原本既小籠包而黑皮既就係用左黑蒜肉做餡料淨係聞都好濃郁黑蒜味！ 食落果然超濃郁！😈而且每隻都勁多肉汁 勁飽滿😆 食既時候要小心 唔係就好容易辣親啦！🔆紅油抄手 $48另外都點左紅油抄手 呢到既抄手同坊間既唔同佢係用左扁既餃子 每隻都好飽滿！而
之前係屯門都有試過佢哋既晚市小菜
最近就見到佢哋係公司附近開左
就試下佢哋既午市啦~
🔆午市拉麵套餐 $48
午市套餐有好幾款 有拉麵套餐
亦都有客飯，乾鍋同酸菜魚飯餐
揀左個四川擔擔麵餐
份量好大碗啊🤣 一個人食既午餐絕對夠飽啊！
擔擔麵係用幼身既麵條
湯底亦都好濃郁花生醬味💕
不過唯一不足就係午市套餐淨係得淨麵 就冇其他餸菜選擇！
🔷追加小食 & 點心 $20
冇其他餸配擔擔麵唔緊要！ 仲可以優惠價加配兩款小食同一款點心
揀左麻醬腐皮卷同雞絲水晶粉皮
粉皮好滑身仲好濃花生醬既香味
而腐皮卷食落好似健康版既齋燒鵝 中間都有好多餡料！
春卷一份有兩件 食落好脆口 而且入面係以齋既配菜為主
🔆魔鬼天使小籠包 $58
上海菜一定要點小籠包！
呢個小籠包好特別 一款係白皮 一款係黑皮
白皮既小籠包入面有帶子做餡料 上面仲有魚籽醬
食落比較原汁原味 似原本既小籠包
而黑皮既就係用左黑蒜肉做餡料
淨係聞都好濃郁黑蒜味！ 食落果然超濃郁！😈
而且每隻都勁多肉汁 勁飽滿😆
食既時候要小心 唔係就好容易辣親啦！
🔆紅油抄手 $48
另外都點左紅油抄手 呢到既抄手同坊間既唔同
佢係用左扁既餃子 每隻都好飽滿！
而個汁仲要係用左甜豉油再加辣椒油
甜甜辣辣咁好惹味！
🔆口水雞 $88
口水雞呢到全部都係用雞髀位置啊
仲要係無骨雞髀！ 啖啖肉 唔使驚食到骨同雞胸位置！🥰
口水汁就稍為以麻辣味為主
食落係有後勁為主 有淡淡既麻味出黎！
🔆生煎鍋貼 $42
鍋貼好耐冇食過啦！ 呢到一碟有4隻
每隻都漲卜卜 而且個底都煎得好香脆！
入面又係有大量肉汁 勁juicy🤗
🔷而家仲有以下既優惠添！
係推廣期內 可以半價$29 點叫松葉蟹肉蟹膏小籠包 4隻 (原價$58)
🔷訂座仲可享有88折優惠
🔷仲可以免費成為會員 (以後消費有9折折扣優惠添！)
味道: 8/10
賣相: 7.6/10
地址:沙田德厚街3號禾輋邨禾輋廣場2樓210A號舖
張貼
