Ocio (東港城) (已結業)

之前都有食過ocio晚餐幾次，不過午餐真係琴日第一次食，個體驗都唔錯，又發現左一個可以食午餐嘅好地方。鮮茄馬拉盞辣海鮮意粉🍝 $75 雖然佢嘅賣相就唔係超級豪華，但係馬拉盞嘅香味真係好突出，仲有蒜味香辣味，聞到已經食指大開。有四隻蝦，青口，鮮茄同蘆筍做配菜，呢個配搭唔錯，唔會膩。有配一個南瓜湯🎃，個湯好鮮甜，亦都有啲南瓜粒增加口感。鮮奶咖啡 +$12套餐包$33嘅嘢飲，其他就可以補差價，今次飲嘅凍鮮奶咖啡就加咗$12，咖啡好香濃，推薦。