旺記冰室 (惠芳閣)

平時食開佢蝦仁叉燒滑蛋炒飯同豬潤通粉，今次想試下新嘢，因為唔食番茄，侍應姐姐好好人揀個平餐畀我轉午餐肉粒

午餐肉粒雞湯通粉

雖然得幾粒午餐肉但勝在厚切！然後你睇到佢層皮夠脆，但就要拿拿臨拎返起否則就會浸淋咗！雞湯同通粉就正常水準發揮！

滑蛋多士

而滑蛋我雖然都好味但我個人就覺得太過生，我鍾意略為再熟多少少就會更好啦！

絲襪奶茶

最後梗係要搭返杯絲襪奶茶，我最鍾意係佢保留到舊式奶茶（曝露年齡系列😆）嘅茶澀味，仲有after taste 嘅果個奶茶甘香味，真係唔係間間都做得返，所以嚟親食都必點啊！