金饍韓國料理 (已結業)

今日去康怡睇3點鐘戲所以先搵個地方食晏，由A2出口一出入商場搭lift就上左4樓一出就到左呢間韓國料理，好方便。門口見到有好多午餐精選，選擇甚多！入到去地方唔算十分大，但每枱食客既座位都空間充足。店員首先比前菜我地，2人兩set一樣，有瓜同薯仔絲。我地點左個《2人海鮮燒烤套餐 $268》 - 好豐富，有墨魚仔、鮮魚腩、鮮魷魚、帶子，跟湯同飯。賣相好似pizza haha .全部都已經調好味，但店員都會遞上一支海鹽比客人自己調味，幾好。魷魚類燒完好彈牙及唔韌；魚腩啖啖肉好入味，唔腥仲幾滑；本人覺得帶子燒到8-9成熟最好味，唔會老岩岩好鮮甜爽口。之後再加$128 叫左個牛舌。好大片 唔太厚 容易燒，再灑上海鹽變成鹽燒牛脷好好味。呢個海鮮餐配2飯同2湯，其實真係足夠有餘，好飽！其間叫左2杯野飲： 楊枝金露 $20 - 大樽 味濃，解渴～紅棗蜜糖 $22 - 熱飲女士補養之選，甜度適中。