朝日屋 (已結業)

重要嘅事情要講三次。上個星期我就真係嚟咗三次，一日食B餐，一日食D餐，一日食咗日式吉列豚肉仲加咗$8日式蒸蛋。有幾好食，佢未至於驚為天人，但係喺呢度去做嘢嘅你就一定會明白，因為就算你肯俾錢，就算你俾幾多錢都好，都唔代表你會食到有質素嘅嘢，特別係日本餐，特別係食刺身嗰啲日本餐。到現時為止，喺觀塘，我願意真心推介比人哋嘅日本餐廳，只有四間。呢度就係第四間。刺身飯$100有找，唯一美中不足嘅係佢哋冇提供飲料。但係絕對不成問題！