味來中菜餐廳 (已結業)

星期日喺太子搵食，周圍都好多人，唔想排隊等位，咁岩見到新開左間茶餐廳，幾新淨都幾多嘢揀，就選擇左lunch喺度食。餐廳內有兩層，所以都好多位，座位寬敞舒適。下午時間嚟到，午餐Menu都幾多選擇。估唔到餐廳都可以自助落單，都幾先進喎~每人附送老火湯，今日係冬瓜排骨湯，夠晒消暑，味道清甜好足料。沙嗲牛肉炒河 $58炒河好有鑊氣，沙嗲醬甜甜地的味道令人好開胃，牛肉腍身份量都幾多。文昌雞飯 $55文昌雞為廣東省八大優良雞種之一，皮薄肉嫩，唔會好肥膩，配上薑蓉真係令人食晒成碗飯。餐飲揀咗凍咖啡同凍檸茶，有茶餐廳一貫的水準，假日輕鬆食個lunch，不失為一個好地方。