小甜谷 Dessert Kaffee (已結業)

以前都好鍾意食完飯黎甜谷食甜品，知道佢而家喺銅鑼灣開咗一間有正餐食嘅餐廳，做野經過就忍唔住你試吓啦！入面嘅裝修好似休閑cafe咁，令人有輕鬆嘅感覺！午餐選擇多，而且都係幾十蚊，響銅鑼灣食算一啲都唔貴！小甜谷一向甜品出名，所以午餐仲可以加少少錢食埋佢嘅甜品！自由配搭！我兩點多來到仲可以選擇埋下午茶！同朋友share，選擇咗一個肉眼扒同珍寶大蝦墨魚汁意粉食！肉眼扒肉質非常之軟淋，不過牛肉味唔突出，唯有靠醃料味調味，整體只算ok。但旁邊嘅薯條十分熱辣香脆，灑上小小黑椒就更加好食。用來點牛扒嘅蘑菇汁十分之香！同埋牛扒嘅味道好match！內裏仲有幾粒鮮蘑菇！不錯！大蝦墨魚汁意粉都唔錯，蝦肉爽身仲有啲蝦味！意粉沒有過淋，配上鮮味墨魚汁味道剛好！飲品方面我揀咗神奇西瓜汁！我唔到佢用一個小西瓜原盅上，賣相得！好驚喜！入面嘅西瓜汁係新鮮打出嚟！好鮮甜！當然我哋仲會order呢度最出名嘅奶凍甜品系列！我選擇咗最啱夏天食嘅荔枝奶凍！奶凍依然用上日本3.6牛乳製成！奶味好香！同以前一樣咁滑！中間仲有加上荔枝果肉，增加口感，荔枝味道亦好清新突出！可能而家生意真係好難做，連小甜谷呢間甜品店都要做埋餐廳，好彩甜品保