影片
更多
2012-05-04
26 瀏覽
某年某月的某一天, 一個週六下午自己唔想動手煮於是乎同太座兩人決定到就近解決, 由於時間已經將近兩點, 過咗最繁忙嘅時段, 入內果然有吉位, 來這裡主要是座得舒適, 唔似得屋企樓下嘅茶餐廳咁迫夾又嘈吵, 佢唔趕都唔想座太久, 星期六下午真的唔想食得趕頭趕命咁, 所以來一間稍為似樣嘅西餐廳(在這區佢算係架啦), 午餐有幾款可以選擇,我們揀咗:牛扒意粉 & 焗豬扒飯前菜/ 餐湯都係一般, 唔太特別主菜: 牛扒意粉, 牛扒質素毫無疑問係無咩牛肉騷味, 不過肉質算過得去煎至全熟但都唔太粗嚡, 味道就全靠個汁醬囉, 意粉都係即做的, 唔係茶記那種做定等賣嗰種發水意粉, 自己以前細路仔(小,中學)嘅時候真係以為意粉係咁樣口感架,現在回想那時嘅無知雖然好好笑但亦感受到原來當一件食材受唔同文化影響被扭曲至面目全非咗二,三十年,至最近十年八載才得到平反, 所以有時即使身邊嘅大部份人話咁做係啱嘅時候自已亦應該反覆思考事物嘅真象到底應該是怎樣, 焗豬扒飯, 這個份量又幾適中, 面嘅醬汁同芝士焗得有點點燶色, 非常之漂亮,而且內部重好熱添, 豬扒肉質淋之中帶點咬口, 茄汁微酸能中和一點芝士及肉嘅肥膩口感,當食
前菜/ 餐湯都係一般, 唔太特別
主菜: 牛扒意粉, 牛扒質素毫無疑問係無咩牛肉騷味, 不過肉質算過得去煎至全熟但都唔太粗嚡, 味道就全靠個汁醬囉, 意粉都係即做的, 唔係茶記那種做定等賣嗰種發水意粉, 自己以前細路仔(小,中學)嘅時候真係以為意粉係咁樣口感架,現在回想那時嘅無知雖然好好笑但亦感受到原來當一件食材受唔同文化影響被扭曲至面目全非咗二,三十年,至最近十年八載才得到平反, 所以有時即使身邊嘅大部份人話咁做係啱嘅時候自已亦應該反覆思考事物嘅真象到底應該是怎樣,
焗豬扒飯, 這個份量又幾適中, 面嘅醬汁同芝士焗得有點點燶色, 非常之漂亮,而且內部重好熱添, 豬扒肉質淋之中帶點咬口, 茄汁微酸能中和一點芝士及肉嘅肥膩口感,當食至有少許飽之際就剛剛食完, 個人覺得如果有幾粒青荳仁點綴一下就可以更靚賣相了,
餐飲咖啡, 居然被上次食晚餐時的那杯啡水好好多喎, 今次真的有”食神”
甜品, 就好奇怪係一個買番嚟嘅”泡芙” 雪過嘅泡芙有幾好食可想而知, 其實做新鲜”泡芙”並不難, 點解要去買返嚟? 我寧可佢俾杯雜菓啫喱我地好過,
張貼
