心語甜品 (已結業)

今日去行東大街去甜品，入到去想叫甜品，看到佢哋有沙津同烏冬食，反正肚餓，叫咗鴨胸藜麥沙律。沙律到我以為份量好小，因價錢太廉宜，40蚊唔使，但我錯了，超大份，沙律菜又多(出邊買又貴又小、鴨胸又多，法包長過手拿，呢個價錢出邊真係食唔到，如果呢碟沙律係其他地方食起碼要成佰蚊，仲冇咁多鴨胸，因我試過其他地方食鴨胸得3、4舊，呢度食起碼有半件，再講菜好新鮮，多士烘到剛剛好外脆內軟，配蒜蓉牛油。仲諗住價錢平會hea做，冇諗過會咁用心做，配埋自家㷛的洛神花茶超好味。最後都要食埋芒果西米露，佢哋D芒果西米露好香奶味又冇出面咁甜。真抵食！