味佳居越南粉 (已結業)

由於師傅嘅午間大食代之第三站終於搵到間似樣少少嘅食店, 於是亦增加左師傅嘅信心, 繼續展開午間大食代之第四站; 是次師傅二話不說就鎖定左呢間食店, 皆因想食越南野; 所以去到諗都唔使諗, 就黎左呢間食店前排隊!行到埋去, 師傅好多野都想食, 諗左一陣, 師傅決定柯打火車頭, 配上師傅最愛嘅檬粉; 落完單等左一陣, 又係時候捧餐! 捧到埋位當然第一時間開餐啦, 首先試啖湯先, 湯底味道頗濃, 頗吸引, 但食得出有多少味精, 不過亦算可以接受; 火車頭都幾大碗, 配料有牛丸, 生牛肉, 牛筋, 牛柏葉, 牛展加埋少少芽菜; 牛丸有兩粒, 一咬落去發覺尚算爽口, 不過就唔夠香; 而生牛肉十分之鬆, 入口仲有牛味, 不錯喎; 牛筋口感一般, 唔夠黏亦唔夠腍; 牛柏葉十分之細舊兼且好碎, 入口就尚算爽口, 還可以啦; 牛展除左腍之外亦冇其他特別; 芽菜爽口唔腥, 檬粉夠滑, 整個火車頭尚算不俗, 再配以越式辣醬, 真係十分惹味!總括黎講食物質素頗好, 師傅覺得咁大碗火車頭都係四十三蚊, 唔算貴, 食完火車頭師傅足足飽左成個晏晝, 都抵食啦; 第二次喺呢度食到好野令師傅深深感動, 午間大食代之第