茶里 (希慎廣場) (已結業)

食完中午飯，去希慎廣場行下，見到呢間賣茶嘅舖頭，銅鑼灣呢邊越開越多呢類型嘅飲品店舖。間間都大排長龍，呢間反而靜英英，無乜人，心諗周圍都試過晒咁滯，當試下新野。咁就揀咗其中一個叫關心茶嘅試下，睇下到底係咩東東。問咗下個店員就話係將幾款茶混合埋嘅叫關心茶，呢個關心茶係無凍飲嘅，只有熱飲。店舖入面都幾大，裝修仲幾靚，外面仲有一個露台，但夏天無冷氣應該都好熱下。但成間個舖子咗我只有一枱客3個人。等咗一陣，終於做好了，個店員好有笑容咁遞杯野俾我。杯關心茶都好熱下，唞咗好耐成6-7分鐘都未唞得凍，聞落味道唔太濃、唔太香。由於太熱索性打開個杯俾佢散熱，打開點知入面只係由一個茶包泡嘅茶。吹佢兩啖等佢涼少少，個茶飲落有D似洋甘菊茶嘅味道，飲唔出到底有咩茶加咗咩茶混合而成。總括而言，就今次關心茶嚟講，味道就唔多評論，出品誠意比較欠奉，就一個茶包同我自己沖有咩分別？而且太熱完全唔考慮客人無辦法係適當嘅時間內可以飲用。但環境同店員嘅服務態度為佢挽回一D分數。建議嘗試其他款式嘅飲品，例如水果茶，芝士奶蓋之類。如果有其他人有好的建議或推薦，仍可以考慮幫襯。