志 (已結業)

朋友一早book好位話同我去試間新開既日本菜~~短期內都唔會外遊既我真係好想出走，日、韓、台都係我中意快閃既地方，可惜呢排連街都出少左，更何况係外遊呢……既然出走無望，一於食返當地既食物止下癮先啦xppp我地中午時份黎到，有幾款set可以揀，我揀左 季節會席$380既set，朋友就要左 手握壽司$350既個款set每個set都會有埋湯品同滑溜既蒸蛋：）我所揀既set以便當形式奉上，當中有齊刺身、壽司、煮物、迷你丼同天婦羅等數款菜色，感覺好富豐~~整體既質素都幾高，食材好新鮮！！自己最欣賞當中既三色迷你丼，濃厚而鮮既海膽伴而肥美既拖羅蓉同咸鮮脆感既三文魚籽，即使係大一倍既分量都可以輕易吃清光xpp而天婦羅都做得好出色，炸漿部份脆薄不油，火喉控制得宜！！朋友既set就有13件由廚師發辦既壽司，食完頭12件之後，第13件就係由自己話事，係之前個12件到揀1款encore做第十三貫~~見到朋友係12件當中已經食齊白身魚、貝類同火炙款式既壽司，每件既吸晴度都相當高！！朋友最後就揀左呢件海膽壽司作為佢既encore之選xpp最後除左有蕨餅做甜品之外，新張期間，餐廳仲會每人送一份卷物做紀念添：）呢份