美心皇宮 (已搬遷) 新店位置

以前屋企附近有美心，搬左之後就N年無去過美心飲茶，今日同女友去開沙田，又諗唔到食乜，就不如飲茶，結果揀左呢度。2點左右，都幾多人等位，但就好快到我地，一坐底己經出點心車拎野食，好耐無試過有點心車啦，宜家無論屋企附近或者出去食都係用點心紙，突然有細個既FEELING。兩個人食左饅頭、叉腸、鳳爪排骨飯、叉燒包、油菜等等，竟然估唔到個饅頭幾好食，真係咬落好鬆軟；叉腸又夠滑、多叉燒，鳳爪排骨飯亦在水準，估唔到食D咁普通既野都有驚喜。服務中規中矩，環境夠闊落同光猛。