渝痴漁醉

營業中

休息中

同朋友去金百利行完街，決定嚟呢間食午市雞煲！重慶麻辣雞煲朋友怕辣，所以我哋叫咗BB辣。雞件份量頗多，唔會斬得太細件，啖啖肉。雞肉嫩滑惹味，正！配料基本嘅豬牛雞肉都有，不過最得我歡心嘅係芝士魚餅，一咬落去就食到流心芝士蓉！另外蓮藕都幾爽脆鮮甜。夫妻肺片呢道川菜係朋友至愛，所以我地加點左，佢話呢間做得好好味，連花生都吃到一粒不剩。飲品飲品都係任飲嘅，比較特別嘅係呢度有罐裝咸檸味梳打，我覺得味道幾得意。