影片
更多
5天前
0 瀏覽
特意揀咗中午時段去試，$298加一就可以由12點食到3點，足足3小時超抵食！而且食物質素完全冇因為午市而打折，海鮮種類豐富，仲有自助吧、熱食同甜品，食到超級滿足！自撈海鮮區 – 新鮮好玩又足料每枱會有一個兜，可以自己出去海鮮區撈！選擇超多，有多種蝦類、鮑魚、蟹、蜆等，全部生猛游水，睇見已經流口水！特別要讚嘅係，鮑魚同蟹會由員工即場洗擦處理，食客會拎到一個號碼牌，等大約15分鐘就可以返去拎返新鮮處理好嘅海鮮盤，乾淨又放心。今次試咗椰子雞鍋湯，湯底清甜，同海鮮夾，尤其係涮蝦同蜆，鮮味更加突出！必食推薦！除咗海鮮，仲有好多出色嘅食物：紅糖糍粑 – 即叫即整，外層軟糯，內裡煙韌，熱辣辣加上紅糖香，超正鵝肝多士 – 新鮮熱辣，多士脆口，鵝肝入口即溶，有質素燒菠蘿 – 自助吧熱食最愛，香甜多汁，解膩哈蜜瓜 – 水果區驚喜，超甜又多汁，食咗好多件！蔬菜區 – 種類多到唔識揀，新鮮乾淨，有些係平時冇乜食過的款飲品區有幾十款選擇，由汽水、果汁、唔同國家地區出品的飲品都有，亦有自家製無糖茶，啱晒想健康啲嘅人~總結：午市性價比超高，海鮮控必試！計埋加一都係328，呢個價錢係香港可以任食有質素海鮮真係唔易！仲
特意揀咗中午時段去試，$298加一就可以由12點食到3點，足足3小時超抵食！而且食物質素完全冇因為午市而打折，海鮮種類豐富，仲有自助吧、熱食同甜品，食到超級滿足！
自撈海鮮區 – 新鮮好玩又足料
每枱會有一個兜，可以自己出去海鮮區撈！選擇超多，有多種蝦類、鮑魚、蟹、蜆等，全部生猛游水，睇見已經流口水！
特別要讚嘅係，鮑魚同蟹會由員工即場洗擦處理，食客會拎到一個號碼牌，等大約15分鐘就可以返去拎返新鮮處理好嘅海鮮盤，乾淨又放心。
今次試咗椰子雞鍋湯，湯底清甜，同海鮮夾，尤其係涮蝦同蜆，鮮味更加突出！
必食推薦！除咗海鮮，仲有好多出色嘅食物：
紅糖糍粑 – 即叫即整，外層軟糯，內裡煙韌，熱辣辣加上紅糖香，超正
鵝肝多士 – 新鮮熱辣，多士脆口，鵝肝入口即溶，有質素
燒菠蘿 – 自助吧熱食最愛，香甜多汁，解膩
哈蜜瓜 – 水果區驚喜，超甜又多汁，食咗好多件！
蔬菜區 – 種類多到唔識揀，新鮮乾淨，有些係平時冇乜食過的款
飲品區有幾十款選擇，由汽水、果汁、唔同國家地區出品的飲品都有，亦有自家製無糖茶，啱晒想健康啲嘅人~
總結：午市性價比超高，海鮮控必試！
計埋加一都係328，呢個價錢係香港可以任食有質素海鮮真係唔易！仲有好多熱食類都有品質，好似鵝肝多士、紅糖糍粑！性價比好高的一餐，環境舒服，服務又快，絕對會再encore！
題外話/補充資料：
小貼士：鮑魚同蟹要等15分鐘，建議一坐低就order定；午市人流較少，坐得舒服啲！
(以上食評乃用戶個人意見 , 並不代表OpenRice之觀點。)
張貼
