極尚大瀛喜日本料理 (已結業)

Book左同朋友兩個來銅鑼灣嘅極尚大瀛喜食午市放題，雖然係午市，但都見到都幾多人食。坐低之後，侍應推介我地用Apps來點餐，確係方便左好多，唔洗每次都叫侍應過來，尤其繁忙時間嘅時候。出菜出得好快，等左唔洗五分鐘就來到。刺身大致上都好新鮮，三文魚每件都好足料好厚。各種嘅蝦刺身都好清甜，幾好食！壽司之中最鍾意呢度嘅火焰芝士壽司，裡面有cream cheese，食落好香奶味，好好食。除左刺身同壽司，其他嘅熱食都好值得一試。焗帆立貝非常好食，D醬酸甜酸甜咁，好似沙律醬嘅味。見好多人都推薦呢度嘅呢度嘅芝麻雞翼，確係炸得好好，金黃色嘅脆皮，咬落d肉好嫩滑，好味！非常推薦呢度嘅牛柳粒。d牛柳粒一d都唔韌，醬料都調得好好味！！我地食左好多野之後想清淡少少，就叫個豆苗，個豆苗係新鮮煮，唔會煮到黃曬謝曬，好好食！我地亦都叫左個蟹粥share，粥裡面加左粟米，幾清甜。甜品嘅種類都好多，以Cream、mousse為主，當然唔少得雪糕啦，由於已經好飽，所以雪糕我淨係食左綠茶紅豆雪米糍。