小魚兒 (金馬大廈)

小魚兒龍蝦二人套餐$398，$68魚翅撈飯，午餐客飯仲有酸菜魚米線，兩公婆便去試吓午餐。

小魚兒標榜烤魚專門店，座落尖沙咀和銅鑼灣旺區，中午時段生意人流一般啦！1點到店不用等位，兩人坐4人枱。餐廳不算大，如果坐滿都幾逼。店內衞生尚可，裝修環境似茶餐廳。

魚翅撈飯$68，似粟米肉粒飯，冇乜料，麻麻地！

酸菜魚片米線只售$40，凍飲加$3，性價比高，味道不錯。要留意魚片有少少碎魚骨。其他客飯都抵食，眼觀大部份客人都是吃客飯，40幾蚊午餐喺尖沙咀區冇得輸啦！相反，食烤魚和魚翅撈飯就吾多了。

整體評語，平平地幫襯午餐客飯是值得的。