泓 (已結業)

本想食咖哩，但老媽唔想食辣，睇睇隔離店餐牌，價格合理嘅定食，店外觀有點神秘～撳門制入內，一眼睇哂全店只有十個座位，中間位置廚師正在炒煮食材，香氣直逼嗅覺。點了兩個定食，豚肉生姜燒同鐵板燒比目魚，眼看廚師馬不停蹄一樣接一樣去炒，要俾啲耐性等食，約等20分鐘終於開餐，生姜燒好香姜味，比目魚煎得恰好，雜菜為配菜，兩煮調味亦剛好，好好味，跟一碗白飯同麵豉湯，全部吃光光，極為滿足。