La Moo Moo' s Steak and Fries (已改名) 查看

灣仔La Moo Moo一直主打牛扒，近月終於都推出左其他食物，包括漢堡包呢啲，令大家有更多選擇。環境來講呢度絕對一流，枱與枱之間夾得好開，就算全場滿座都唔會好嘈。呢度嘅午市套餐劃一$328/位，係極大份😱，所以細食嘅女仔可能兩個人share一個都得！包餐湯🥣加沙律🥗，仲有餐包🍞！牛油🧈係特製嘅玉桂粉牛油，幾特別。而薯條🍟仲係任食！Signature 10oz Premium NZ Ribeye Steak點左Medium rare但食落係靠近medium，牛比較瘦，而且質感較為有咬口，牛味就幾濃，加上呢度嘅醬汁，味道更加濃厚。值得一題係呢度嘅刀都係幾特別，成把斧頭咁🪓，打卡一流！La Moo Moo Pulled Pork Burger漢堡方面，🍔亦用咗手撕豬肉，份量好大，個包係甜甜地，唔算好有空氣感，令我諗起Burger Joy’s嘅特製得獎包！另外我地點左兩杯白酒，係2015年嘅Chalet, Chardonnay，來自法國🇫🇷Saint Veran, Burgundy，($110/glass)，呢款非常易入口，同今餐嘅食物都幾夾。