Mee...lemongrass (已結業)

第二次去青衣城二期揾食，講真第一次經驗吸引唔到我專登再行入嚟，今次都係俾多次機會大家，下午五點二十幾分，揀左呢間Mee，入左去坐底無耐，就截止入客半小時，好彩中嘅幸運係仲有午市套餐叫，樣樣都吸引，份份都想食，平均七十幾蚊就有一份，我最終揀左咖喱牛腩，可配白飯或油鬆餅，原本叫油鬆餅，但印度裔師父原來4:00-6:00落場，唯有要白飯；成盤套餐好豐富，柚子大蝦沙律都有，好多柚子肉，例湯係冬瓜湯，無加味精，有回家開飯嘅感覺，主角咖喱牛腩，好香濃，多牛筋及牛腩，只係咖喱牛腩嘅薯仔比較硬，好似啱啱落咁，及甜品唔夠軟熟，整體我俾八十分