八達茶餐廳 (已結業)

上星期某天師傅放飯時又諗唔到食咩好, 但就淨係想試一間從未試過嘅食店, 於是想起呢度最近開左間新食店! 呢間食店師傅其實想試左好耐, 可惜遲遲都未試, 點解呢? 皆因食店面積頗細, 而人流亦算多, 為免等位, 所以 師傅依然未試; 是次經過湊巧又冇咩人, 合附晒師傅嘅條件, 就試一試啦!入到食店環境真係十分細, 有少少逼, 出入絕對唔方便, 可幸師傅雖肥但亦甚為瀟灑, 所以進出亦不成問題; 坐底後睇下有咩好食啦, 見到呢個午市人氣推介, 就比佢吸引住, 都唔知點解師傅次次去親茶餐廳就梗係鍾意食呢樣野, 所以是次亦不例外, 午市人氣推介之黑椒雞扒飯配熱檸茶!等左唔係好耐就有得食, 黑椒雞扒飯賣相一般, 入口再試下黑椒汁, 黑椒唔香而味道亦不算辣, 黑椒汁味道一般, 未算吸引; 而雞扒只得一塊, 亦唔算好大, 但斬件上感覺份量幾多, 不過其實都係假象; 雞扒就煎得香脆, 可惜十分薄身, 肉身亦唔滑, 仲有少少韌同鞋, 蒜蓉味亦頗重, 雞扒水準甚差, 唔掂; 至於杯熱檸檬茶, 茶底非常澀口, 但檸檬味亦香, 令到杯熱檸茶不至太差!總括黎講食物質素一般, 以黑椒雞扒飯黎講就絕不合格, 環境一