花居酒屋 (已結業)

喺荃灣搵嘢食，呢區有好多餐廳，真係想食乜嘢菜都有，兼且價錢一般幾合理，所以有好多選擇，我想去間我未去過嘅餐廳，行吓行吓，見到呢間小餐廳，做日本菜，就入去試吓😆有好多款「午市定食」可以揀，叫咗$158嘅「極上壽司定食」，呢個定食跟「沙律、漬物、茶碗蒸、湯烏冬」，另外以八折再加咗$68嘅「燒雞泡魚乾」😁「壽司定食」賣相幾靚，魚生全部都幾新鮮；沙律簡單開胃；茶碗蒸暖暖哋又幾滑；烏冬熱辣辣大大碗有極濃郁嘅醬油鹹香😁；仲有個「燒雞泡魚乾」幾好味😋。呢個「午市定食」食得我相當飽飽😆