影片
更多
2013-11-07
354 瀏覽
之前乘老婆生日之機，就試咗個新出嘅「紫醉甘迷」栗子立體花形蛋糕，今日興之所至，搵埋同事一齊試咗另一款栗子蛋糕「山東板栗果仁脆脆」，亦喺今期全新登場嘅新產品。晌中環德成依間分店，較美孚港鐵店大啲，所以，全部「栗子」產品都一列過放晒晌餅櫃內，可謂陣容鼎盛。單睇外貌，個板栗脆脆其實跟以前出開嘅脆脆系列無咩特別之處，只喺應節換上時令嘅山東板栗，不過，脆脆系列一向都覺得佢幾好食，輕盈口感好，所以，依個山東板栗果仁脆脆仍然有水準。 山東板栗果仁脆脆 $178（試食價$168） 雖則講話形式上跟以往嘅脆脆系列相差無幾，不過，食落又有啲啲唔同。先講講賣相，簡單而言，就喺平實，四四正正方形海綿蛋糕，中間夾層喺一層忌廉搭鮮磨純栗子蓉，另一層喺忌廉搭栗子粒粒，底層就喺加入咗杏仁嘅脆脆，面層就唧滿鮮磨栗子蓉忌廉，再放3粒原粒山東板栗，仲要矜貴到放有點點金箔 ，認真貴氣呀！因為海綿蛋糕幾厚身，就算有栗子蓉忌廉、鮮磨純栗子蓉、又忌廉栗子粒粒，但食起嚟唔會覺得好「漏」 ，再者，栗子蓉、栗子碎、杏仁嘅脆脆加埋一齊，極之有口感 。而分開嚟秤，面層嘅鮮磨栗子蓉忌廉，質感幼滑，帶淡淡栗子香，比純忌廉多一分滋味；
晌中環德成依間分店，較美孚港鐵店大啲，所以，全部「栗子」產品都一列過放晒晌餅櫃內，可謂陣容鼎盛。單睇外貌，個板栗脆脆其實跟以前出開嘅脆脆系列無咩特別之處，只喺應節換上時令嘅山東板栗，不過，脆脆系列一向都覺得佢幾好食，輕盈口感好，所以，依個山東板栗果仁脆脆仍然有水準。
山東板栗果仁脆脆 $178（試食價$168） 雖則講話形式上跟以往嘅脆脆系列相差無幾，不過，食落又有啲啲唔同。先講講賣相，簡單而言，就喺平實，四四正正方形海綿蛋糕，中間夾層喺一層忌廉搭鮮磨純栗子蓉，另一層喺忌廉搭栗子粒粒，底層就喺加入咗杏仁嘅脆脆，面層就唧滿鮮磨栗子蓉忌廉，再放3粒原粒山東板栗，仲要矜貴到放有點點金箔 ，認真貴氣呀！
因為海綿蛋糕幾厚身，就算有栗子蓉忌廉、鮮磨純栗子蓉、又忌廉栗子粒粒，但食起嚟唔會覺得好「漏」 ，再者，栗子蓉、栗子碎、杏仁嘅脆脆加埋一齊，極之有口感 。而分開嚟秤，面層嘅鮮磨栗子蓉忌廉，質感幼滑，帶淡淡栗子香，比純忌廉多一分滋味；中間嘅純栗子蓉綿密軟滑，濃濃栗子香甜味，而忌廉栗子粒粒，晌幼滑嘅忌廉中，嚐到粒粒嘅栗子，粉糯清甜；最底下嘅杏仁脆脆，鬆脆好食，睇番佢啲宣傳單張，原來用美國原粒杏仁磨碎，加入意大利朱古力及薄脆片製成，單推杏仁薄脆餅底，相信都有銷路呀！
我哋4個人共享，即喺為起每人$42，計落唔平，不過份量唔輕，每人只喺食1/4個蛋糕，查實食完幾飽肚喎 。
張貼
