一入座每人送一隻大閘蟹，雖然唔可以再追加，但蟹膏算幾足，味道唔欺場。出面仲有白鱔，不過唔係平時火鍋店嗰啲薄片，而係切成鱔轆，一嚿嚿咁落鍋，好有脂香，爽彈得嚟幾抵食。
.
海鮮區我最推 花蟹——大隻、夠肉、蟹膏又鮮，完全對得住海鮮自助餐嘅名。老實講，比起大陸丹市，呢度嘅海鮮質素其實不相伯仲，甚至花蟹仲大隻啲。
1
不過講返現實面，埋單後差唔多 $400、一位兩個鐘，只係食 1 個鐘 15 分鐘就開始截單、1:30 提我哋埋單、兩個鐘一到連個煲都拎走。規矩就規矩，但節奏真係太趕，食得唔夠放鬆。
.
整體嚟講，食物有誠意、有水準，海鮮方面尤其唔孤寒。如果價錢可以再親民啲，又或者加長時間，會係一間我想再回頭嘅店。
.
#千海水產 #海鮮放題 #火鍋控 #大閘蟹 #花蟹 #白鱔 #海鮮自助餐 #HKTaster #香港美食家 #香港火鍋 #FoodieHK #打邊爐季節 #蟹膏控 #食好西
