千府·居食屋 (已結業)

之前去過何文田勝利道千府居食屋食過日本菜，食物質素唔錯，知道佢哋推出咗迷你飯餐，今日剛好經過，買嚟試吓先！打開外賣盒令人眼睛一亮，色彩繽紛的食材分放在盒內，十分美麗！套餐都好豐富，有刺身、沙律、果物、漬物、迷你丼飯，壽司拼盤和飲品。刺身：三文魚有魚油香味，帆立貝新鮮美味。沙律菜新鮮爽脆。迷你三色丼飯（赤身、深海池魚、甜蝦）：赤身係指紅肉，含脂量少，肉質較實，有咬口。深海池魚肉質肥嫩,口感順滑鮮甜。甜蝦帶有濃厚的甜味。壽司飯係採用日本種珍珠米，米質彈牙煙韌、晶瑩爽口。 迷你角切魚生：角切魚生色彩繽紛又新鮮，除咗魚生還有玉子和青瓜，增加多一些口感！壽司拼盤有二款：A款有三文魚、赤身、深海池魚、墨魚和赤蝦。B款係火炙壽司，有三文魚、熟蝦、玉子、鰻魚和左口魚，兩款各有特色，刺身壽司鮮美，另外一火炙壽司，食材經過火炙後脂香中帶甜美。套餐還有飲品奉送！