1162
47
137
等級2
7
0
2023-05-13 441 瀏覽
本身想去大x屋/大x喜,但兩間都勁爆,見附近呢間神戶屋可以訂到8點半,所以試試事隔好多年冇黎兆萬食嘢,以前食過都覺得好伏,但見openrice啲評語都偏正面,加上周圍都好爆,所以決定試試佢訂左8點半,最後話執檯搞到8點9先可以坐底坐底左職員比左幾張紙我地,話會優先處理,其中一張係刺身,我地好肚餓,所以樣樣寫10幾件,結果黎嗰時都係得4至5件左右,玉子寫2就黎4,成件事好似random咁佢鍾意點就點,赤貝馬刀貝又唔見人後期叫嘢要掃qr code,想再加點刺身時,發現係冇帶子刺身,問完職員,夠膽死係得第1rd張紙有帶子,然後qr落單就冇得落,好震驚竟然仲有放題係冇帶子刺身其餘大致點評清酒煮蜆 - 完全冇清酒味,啲蜆又細又奀完全唔新鮮麻辣帆立貝 - 唔夠味粉絲扇貝 - 超級多粉絲,粒扇貝勁細,比例係9 1,整體都係唔夠味牛柏葉 - 完全冇味芝士焗開邊蝦 - 我完全冇諗過黎到竟然係一粒蝦仁埋藏喺芝士堆入面,仲要連𠝹一𠝹開邊嘅誠意都冇,係原隻蝦仁上火鍋料肥牛 - 呢個真係超級恐怖,啲牛一睇就知係啲勁cheap嘅肉,一啲血色都冇,仲要比超大疊,好似想用啲劣肉質飽你咁蜆 - 以為係新鮮沙白,點知係啲
更多
本身想去大x屋/大x喜,但兩間都勁爆,見附近呢間神戶屋可以訂到8點半,所以試試

事隔好多年冇黎兆萬食嘢,以前食過都覺得好伏,但見openrice啲評語都偏正面,加上周圍都好爆,所以決定試試佢

訂左8點半,最後話執檯搞到8點9先可以坐底

坐底左職員比左幾張紙我地,話會優先處理,其中一張係刺身,我地好肚餓,所以樣樣寫10幾件,結果黎嗰時都係得4至5件左右,玉子寫2就黎4,成件事好似random咁佢鍾意點就點,赤貝馬刀貝又唔見人

後期叫嘢要掃qr code,想再加點刺身時,發現係冇帶子刺身,問完職員,夠膽死係得第1rd張紙有帶子,然後qr落單就冇得落,好震驚竟然仲有放題係冇帶子刺身

其餘大致點評
清酒煮蜆 - 完全冇清酒味,啲蜆又細又奀完全唔新鮮
麻辣帆立貝 - 唔夠味
粉絲扇貝 - 超級多粉絲,粒扇貝勁細,比例係9 1,整體都係唔夠味
牛柏葉 - 完全冇味
芝士焗開邊蝦 - 我完全冇諗過黎到竟然係一粒蝦仁埋藏喺芝士堆入面,仲要連𠝹一𠝹開邊嘅誠意都冇,係原隻蝦仁上

火鍋
肥牛 - 呢個真係超級恐怖,啲牛一睇就知係啲勁cheap嘅肉,一啲血色都冇,仲要比超大疊,好似想用啲劣肉質飽你咁
蜆 - 以為係新鮮沙白,點知係啲已開殼嘅凍蜆肉,應該同清酒煮蜆係同一批
海蝦 - 以為係有支簽篤住灰色嘅新鮮蝦,結果係已熟嘅急凍蝦


食物種類又少,連雞翼都冇一隻,不過就算有,我都唔肯定會整左啲咩花樣出黎

整體上刺身比較正常少少,但只屬正常,並非出色,赤貝一般,甜蝦超細,重點冇帶子真係難以接受

出菜速度又慢,尤其刺身,起碼要15分鐘,有時都唔知佢係咪漏左單,再落又怕到時一次過出番哂

成晚最正常係罐可樂,冇喇,我真係搵唔到一樣可以讚


到埋單,佢話係母親節時段(但其實只係星期5,提早兩日?),所以要加20蚊,埋單349+1
真係好癲,咁嘅質素收349,去其他大連鎖食都唔洗咁貴,而且質素好幾倍
唔睇價錢我真係以為食緊10幾年前嗰啲150蚊cheap放題,如果佢收我150,我都仲可以覺得一分錢一分貨,但收緊349+1,對比同行仲貴,但可以難食咁多,完全不能接受

Openrice真係好多打手,咁嘅質素都可以比讚? 有啲仲要吹到世一?

我真係咁大個人,第一次食放題係可以唔飽離場


**題外話,見到隔離檯走嗰時,檯面剩番超多嘢,懷疑都係覺得太難食所以頂唔順唔夾硬食
26 瀏覽
0 讚好
0 留言
4 瀏覽
0 讚好
0 留言
5 瀏覽
0 讚好
0 留言
6 瀏覽
0 讚好
0 留言
8 瀏覽
0 讚好
0 留言
8 瀏覽
0 讚好
0 留言
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐途徑
堂食