茶木‧台式休閒餐廳 (荃新天地)

營業中

休息中

唔經唔覺茶木已經十週年，所以今餐飯特登點咗d新菜式試試😋先講最鍾意既甜品💕蜜糖磚塊基本上係去襯茶木都會食，今次呢個青蘋果磚塊超級夢幻！磚塊層次豐富好有誠意：最上面係雪糕球，下面再鋪層牛油果仲有青蘋果cream。配料有焦糖香蕉、士多啤梨、藍莓同焦糖爆谷。入面的磚塊切開一格格，搽滿蜜糖。嗰甜品好大份，不過我哋兩個甜品控都食，滿足滿足！古早紅燒牛肉拌麵既麵條扁身偏幼，係我鐘意嘅質感。味道帶麻香得嚟又唔辣，唔食得辣的朋友都啱食。伴餸都好豐富，有牛肉、溏心蛋、鴨血同素鴨。牛肉一貫茶木水準，大大舊又不柴，好味！鴨血好入味又滑溜，素鴨食落香酥可口。烏賊汁奶油中卷手作麵既中卷鮮美爽口，而且份量唔少！烏賊汁好creamy，包裹住每一條麵，令手作麵食落完全唔怕乾身。最後一人飲咗一杯脆脆黑糖瀑布珍珠奶茶🧋，單係賣相已經好吸睛：杯邊圍住朱古力脆脆，上面有一串芋圓，加埋一層厚厚既火炙奶蓋，未飲已經好期待！飲之前先淺嚐一口綿密既奶蓋，奶茶飲落唔會太甜，加埋煙韌既珍珠，好味道！