上海真真豆漿大王 (已結業)

不經不覺呢間上海舖已經有十年歷史，裝修完重開過，感覺上味道唔同左，唔知係咪心理因素，不過今晚病病地，想食啲簡單野，求奇黎食少少，又唔使太飽。叫左例排愛食嘅鹹豆漿，內有油炸鬼，鹹菜粒，蝦米，蔥粒等，足料嘅，但感覺無以前咁多料，豆漿稀左無乜味，豆漿無豆味仲叫乜鬼豆漿，希望只係偶有失手啦。粢飯又係例牌會叫嘅野，呢度條粢飯比其他店粗身，因為佢入面包孖條，半截油炸鬼塞入去，再加菜莆，豬肉鬆等，飯粒黏口，軟硬適中，但可惜油炸鬼過左氣，又淋又韌，唔好食。兩樣野都失望而回，只剩下老店風味了。