元綠壽司 (已結業)

好多年前O係旺角食過幾次，超難食，今次如果唔係屋企人有優惠都唔想去。果然，水準之差一D都冇令我失望。所有軍艦壽司︰我唔明點解佢D紫菜係十年如一日咁"林"，係咪佢地所有店鋪O既統一水準呢？D料全部都係多到瀉，瀉晒落隻碟度，有D就掛O係隻壽司邊，加埋D林紫菜，成副就黎崩潰O既樣，見到都唔想食。即叫O既紫菜係脆好多，但係就求求其其咁包住舊飯就算，D料仍然瀉晒出黎。手卷︰叫左辣味吞拿魚同軟殼蟹。辣味吞拿魚原來就係轉轉壽司上面有D"血肉模糊"咁款果種肉類，咬落去係感覺到D肉係O岩O岩O係雪櫃拎出黎。舊軟腳蟹係炸粉黎架囉，元氣起碼都見到D蟹腳丫~唯一好D O既，係D魚生總算新鮮，但係有種唔知係咪蚌，明明話有五舊，佢兩片肉加三件裙邊當五舊，好！一定冇下次！