九五茶座 - 放宮樂園 (已結業)

香港既地道小食何其多，要數邪惡之首，我相信揀西多士都有好多人會同意 而今次要介紹既，又點會係普通嘅西多士咁簡單呢，今次要介紹「加料邪惡西多士」!!!!!!Megabox嘅依間「九五茶室-放宮樂園」裝修充滿着兒時回憶，一半茶餐廳裝修，有一般嘅茶餐廳食物例如焗豬扒飯、咖喱、特餐茶餐之類。另一半就係好似冒險樂園咁嘅遊戲空間，一邊食飯會一邊聽到大家玩擲彩虹，推銀機同夾公仔機嘅歡呼聲，都幾得意架。呢度有一款次次嚟食都會叫嘅「加料邪惡西多士」，佢表面同一般西多士冇分別，一切開，就會見到入面嘅芝士要準備流出嚟!!! 所以佢點解叫邪惡，就係普通西多士嘅牛油糖漿之外，仲有芝士哈哈哈老實講，依度嘅食物唔算好抵食，一份「加料邪惡西多士」要$32 ，價錢唔係好吸引。不過返工返得咁辛苦，下午茶黎食一份comfort food，俾啲力量自己繼續捱落去啦💪🏻